Banorët e Laprakës kanë dalë sërish në protestë. Ata kërkojnë dëmshpërblim me çmim tregu për shtëpitë e tyre që preken nga ndërtimi i Unazës së Madhe.
Ata kanë bllokuar rrugën për rreth 1 orë nga të dyja krahët e saj, duke shkaktuar radhë kilometrike të automjeteve. Sipas tyre po favorizohen njerëz të pushtetit.
“Kemi 3 muaj që jemi në protestë , nuk kemi pasur asnjë reagim nga autoritetet asnjë person që ka marrë përsipër të drejtojë këtë vend nuk ka reaguar për kauzën tonë. Nga sheshi shqiponja në askush nuk reagon, projekti është ndryshuar 3-4 herë. Kemi zhvilluar banesat tona dhe biznesin tonë në këtë zonë. Sot ka ndryshuar projekti dhe dëmi është shumë i madh. Po favorizohen njerëz të pushtetit. Kërkesat janë të njëjta si ë ditën e parë deri në sot, të na japin informacione se kur nis projekti. Në 12 dhjetor pritet të hapet “thesi” për këtë rrugë dhe të nisë pun”, është shprehur një nga banorët.
Një prej banorëve të zonës, ka paralajmëruar se do të përshkallëzohen protestat duke bllokuar rrethrrotullimin tek sheshi shqiponja nëse qeveria nuk i dëgjon kërkesat e tyre.
“Këto janë protestat zonja Balluku, dërgoi patronazhistët që të vëzhgojmë. Do të përshkallëzojmë protestën, do ta bllokojmë lëvizjen në kryeqytet në për orë ose dy, të bllokojmë sheshin shqiponja. Ejani uluni dhe bisedojmë, duhet të trajtohemi si qytetarët e tjerë, të trajtohemi si të gjithë të burgosurit, si të gjithë afganët. Na trajtoni edhe neve si të burgosurit. Duam kompensim sipas çmimit të tregut. Dëmshpërblim sipas çmimi referent të projektuar nga Bashkia e Tiranës. Këto kërkesa nuk bien poshtë”, tha banori i zonës”, është shprehur një tjetër.
Discussion about this post