Në konferencën e sotme, kryetari i Partisë së Lirisë Ilir Meta u pyet për vendimin e kryeministrit Edi Rama për të anuluar fashën energjisë elektrike 800KW për abonentët familjarë duke filluar nga 1 tetori.
Sipas Metës, këtë vendim e mori Enti Rregullator i Energjisë, ndërsa Rama e zhbëri. Ish-presidenti shtoi se kjo tregon se shteti ka rënë dhe nuk kemi institucione të pavarura.
“Cilin vendim? Ky vendim i marrë i shpallur i zhbërë në mënyrat më të turpshme tregon dhe njëherë nuk ekziston shteti i të drejtës, nuk ka institucione të pavarura. Ajo që ka ndodhur është shumë e rëndë. Me të dyja vendime, sidomos me këtë të dytën është shpallur mos-ekzistenca e ERE-s. Ky është vendim që ERE mori ishte i bazuar vetëm në një analizë të KESH. Kemi një tejkalim kompetencash”, tha Meta.
Discussion about this post