Kreu i Partisë së Lirisë, Ilir Meta gjatë një konference për shtyp komentoi dhe urdhrin e Prokurorisë, ku ndalohet publikumi i materialeve sensitive që rodhën nga hakërrimi i e-maileve të disa prej figurave më të rëndësishme në politikë apo polici të shtetit. Sipas metës, kjo është një cënim i hapur i lirisë së medias.
Ai u shpreh se besimi i qytetarëve te institucionet kthehet vetëm nëse jep dorëheqjen kryeministri Rama.
Ilir Meta: Problemi nuk janë mediat. Në vlerësimin tim problemi është qeveria, problemi është kryeministri. Sot pas 16 muajsh qëkur plasi skandali i patronazhistëve, hakerimi që vetë qeveria i bëri të dhënave për tua dhënë patronazhistëve për tu bërë shantazh qytetarëve, prokuroria nëse do kishte lëvizur në drejtimin e duhur në atë kohë nuk do ishte këtu sot. Prokuroria vajti për të bllokuar serverin e Lapsit dhe situata është kjo, këta njerëz nën pushtetin e Ramës shkelin ligje, sepse ndihen të mbrojtur nga ai. Kjo nuk është zgjidhja. Kjo është një masë frikësuese, tepër relative, e cila cënon lirinë e medias dhe nuk zgjidh gjë. Mbrëmë “The Telegraph”, e kishte publikuar. Çfarë do ti bësh medias ndërkombëtare? Këtu i gjithë shteti është lakuriq. Është ekspozuar në mënyrë të turpshme. Vetëm dorëheqja e Ramës mund të rivendosë besimin e qytetarëve te institucionet. Ka qenë ai garanti i hakerimit të parë. E ka marrë ai përsipër në sy të të gjithë shqiptarëve që patronazhistët po bëjnë një punë shumë të mirë.
Discussion about this post