Në javët e fundit janë raportuar ngjarje të shumta kriminale në vendin tonë, çka tregojnë se siguria është në nivele të ulëta. Kujtojmë se dy atentate kanë ndodhur në ditën me diell dhe autorët vazhdojnë të lëvizini të lirë. Rritja e pasigurisë ka bërë që një rinjsh në qytetin e Laçit të ngrihen në protestë, duke qenë se është dhe një nga zonat ku ndodhin më së shumti ngjarje të tilla. Ato thonë se është e pafalshme që shteti fle dhe nuk vë përpara përgjegjësisë autorët, duke bërë kështu që ngjarje të rënda, të ndodhin në mes të ditës dhe të marrin jetë të rinjsh
“Liria është e shtrenjtë po vdekja akoma më shumë”. “Liria jonë e shitur e vuri shtetin në gjumë”. “Kurbini nuk ka më të rinj për të sakrifikuar”, ishin disa nga thirrjet e protestuesve të cilët marshuan nga Gjykata deri tek sheshi kryesor të qytetit dhe më pas drejt Komisariatit të Kurbinit.
“Katër nëna kanë varrosur fëmijët e tyre që më shpejt i gjeti hasmi sesa policia. Por pse jemi sot këtu? A është fajtor një 20 vjeçar? Është viktimë e një sistemi arsimor që nuk kultivon më vlera dhe dije por rrit oportunista dhe shfrytëzues. Është viktimë e kësaj qeverisje dhe të tjerave paraardhëse.”– u shpreh njëra prej aktivisteve.
Të rinjtë e shoqërisë civile dhe aktivistët u ndalën tek ngjarjet e fundit të ndodhura në këtë zonë ku 4 të rinj u vranë brenda një jave duke theksuar se shteti po tregohet i pafuqishëm përballë ngjarjeve kriminale. Aktivistet ngritën zërin kundër krimit i cili ka gjunjëzuar vendin. Pavarësisht thirrjeve, qytetarët kurbinas u treguan indiferentë duke mos iu bashkuar marshimit të organizuar nga të rinjtë.
Discussion about this post