Shefqet Kastrati është “Ali Baba” i fondeve publike. Me dhjetëra herë është denoncuar për tenderët pa garë, për kontratat në shkelje të ligjit, për monopolin në tregun e karburanteve, për koncesionet e porteve dhe të aeroporteve, por oligarku është i pacenueshëm. Gijotina.com ka nxjerrë nga të dhënat e fundit të Thesarit të Shtetit, shifrat e lekëve që janë arkëtuar nga shteti në drejtim të “Kastrati Group” për dy vitet e fundit. Rezultati është i frikshëm! Nga fillimi i vitit 2020 dhe deri më tani, Kastrati ka gllabëruar 9 miliardë lekë nga kontratat me institucionet publike, kryesisht me ministritë. Kryesisht janë paratë e tenderëve të shitjes së karburanteve institucioneve shtetërore.
Gijotina.com paraqet më poshtë të gjithë tenderët e fituar nga Shefqet Kastrati për vitin 2022. Sipas këtyre të dhënave nga 9 miliardë lekë tenderë për 3 vjet ose 76 milionë euro. Afro 2 miliardë lekë i janë dhënë Kastratit vetëm nga kontratat e lidhura nga 21 janari i këtij viti deri me datë 29 shtator 2022.
Tenderët me “Red Flag”
Sipas të dhënave të siguruara nga Gijotina.com, gjatë vitit 2022, Kastrati ka nënshkruar 30 kontrata për prokurime, kryesisht nga bashkisë dhe ministritë. Duhet theksuar se kemi përpara edhe dy muaj të tjerë përpara dhe di të shohim se si do të rritet numri i tenderëve të fituar në fund të vitit, para mbylljes së buxhetit. Në këtë prezantim nuk po llogarisim marrshin e rritur dyfish të fitimeve për shkak të luftës në Ukrainë, po ashtu nuk janë përfshirë as “detyrimet e prapambetura” që i kanë institucionet Kastratit.
Ndërkohë arroganca dhe arbitrariteti ndaj fondeve publike është prezent në shumicën e proceseve prokuruese ku merr pjesë ky oligark. Nuk mjafton që ka pozitën dominuese në tregun e karburanteve, nuk mjafton që fiton nga lufta me vendimet e Bordit të Qeverisë, por i merr edhe tenderat pa garë. Duam të përmendim këtu që 20 prej tenderave gjatë këtij viti janë shënuar nga Open Data me “flamur të kuq”. Pra, procedura ka qenë pa konkurrim dhe paraqet një risk të lartë korrupsioni me paratë e buxhetit të shtetit.
Loja me emrat
Shefqet Kastrati përfiton një numër të lartë tenderësh në një vit, sepse ai vë në lojë të dyja kompanitë e tij “Kastrati” shpk dhe “Kastrati sha”, që së fundi e ndërroi emrin në “Kastrati Group”. Po ashtu një numër kompanish futen në tenderë për llogari të këtij grupi duke manipuluar me marrëveshje të ndaluara rezultatet e tenderëve. Gjithsesi, në pjesën më të madhe të tenderëve, kompanitë e “Çetit” kanë qenë pjesëmarrëse të vetme në tendera. Përmendim 13 procedura nga “Kastrati shpk” dhe 6 procedura nga “Kastrati sha”. Ndërsa ka edhe dhjetëra tenderë të tjerë ku kanë paraqitur ofertë edhe kompani të tjera, por asnjëra nuk ka mundur të dalë mbi Kastratin.
1.2 mld lekë nga ministret Krifca dhe Xhaçka
Nga lista e tenderëve për vitin 2022 rezulton se pjesën më të madhe të kontratave e ka nënshkruar me Ministrinë e Bujqësisë, më pas renditen kontratat me Ministrinë e Punëve të Jashtme dhe më pas bashkitë. Konkretisht vetëm nga ministrja e Bujqësisë, Frida Krifca dhe ministrja e Jashtme, Olta Xhaçka, “Çeti” ka përfituar 1.2 miliardë lekë të xhiruara nga Thesari i Shtetit në 8 muaj. Konkretisht 13 tenderë i janë dhënë nga Ministria e Bujqësisë dhe 10 tenderë nga Ministria e Punëve të Jashtme, ndërsa pjesa tjetër janë nga të tjera institucione.
Transfertat e marra nga MZHBR:
Transfertat nga Ministria e Jashtme:
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post