Filmat “hit” të këtij viti, “Barbie” dhe “Oppenheimer”, janë vlerësuar shumë nga kritika si dhe nga fansat, me shitjet e biletave nëpër kinematë e ndryshme të botës, që kanë gjeneruar qindar miliona dollarë fitime, megjithatë ka dhe nga ato shtete që kanë kritka për këto prodhime të Hollywoodit, për motive nga më të ndryshmet. Gjermania bie në sy me ankesën e saj ndaj këtyre dy filmave.
Rastet me koronavirus janë rritur 50% në Gjermani kohët e fundit, epidemiologët fajësojnë pjesërisht dy filma.
Sipas tyre, “Barbie” dhe “Oppenheimer” janë fajtorë për rritjen e numrit të pacientëve me koronavirus.
Epidemiologët gjermanë, raporton Guardian, po paralajmërojnë se po shohim një valë verore të infeksioneve Covid, duke fajësuar pjesërisht tubimet masive si çmenduria Barbenheimer, siç quhen shfaqjet e dyfishta.
Gjermania ishte një nga vendet ku shikuesit e filmave inkurajoheshin të shikonin filma në shfaqje të dyfishta në një përpjekje për të mbështetur kinematë, të cilat nuk janë rikuperuar nga pandemia.
Deri më tani në Gjermani, filmin Barbie e kanë parë rreth 4 milionë njerëz dhe “Oppenheimer” mbi 2.5 milionë.
Të qenit pa maskë në një dhomë të mbyllur me qindra njerëz të tjerë për orë të tëra është një mjedis ideal për përhapjen e virusit.
Agjencia qeveritare e kontrollit të sëmundjeve, Instituti Robert Koch (RKI), thotë se ndërsa infeksionet mbeten të ulëta në krahasim me kulmin e pandemisë, ato janë rritur në muajin e kaluar. Statistikat e fundit tregojnë se vizitat tek mjeku për shkak të infeksionit Covid 19 janë shumëfishuar muajin e fundit.
Zyrtarisht incidenca është e ulët – vetëm 3 në çdo 100,000 njerëz – por numri nuk e pasqyron shkallën e vërtetë, pasi pak njerëz testohen.
Gjermanët inkurajohen të marrin vaksina përforcuese në vjeshtë nëse i përkasin një grupi me rrezik të lartë, si ata mbi 60 vjeç dhe ata me sëmundje kronike.
Discussion about this post