Ditën e sotme gjykata e Tiranës ka caktuar masën e sigurisë “arrest shtëpie” për 41-vjecaren nga Tirana, Silvana Balliu. Kjo e fundit ra në pranga tre ditë më parë, pasi akuzohej se mashtronte qytetarët duke u shtirur si dietologe dhe në këmbim i merrte një shumë parash deri në 300 euro.
Gjatë seancës, gruaja nuk dha asnjë sqarim pasi ishte në gjendje të rënduar psikologjike. Ndërsa avokati mbrojtës, Jordan Daci, kundërshtoi pretendimet e prokurorisë se klientja e tij është e dyshuar për mashtrim dhe veprime që mbulojnë zbulimin e së vërtetës.
Policia u vu në lëvizje për arrestimin e Balliut, pasi denoncimeve të disa qytetarëve pasi u sëmurën nga dietat.
Balliu e arrestuar, nuk ishte e specializuar për dhënien e dietave dhe nuk e kishte të regjistruar subjektin që e administronte në zonën e “Brrylit” në Tiranë, përmes së cilit merrte fitimin që nuk e deklaronte. Ajo, jashtë çdo norme, arrinte të përpilonte dieta të personalizuara, për persona që kërkonin të humbnin në peshë. Madje 41-vjeçarja jo vetëm që nuk kishte lidhje me dietat, por me profesion ishte gazetare.
Gruaja, gjatë operacionit të policisë, fshiu të gjitha bisedat me klientët e saj në numrat e kontaktit dhe në rrjetet sociale, çfarë i shtoi asaj edhe një tjetër vepër penale, atë të veprimeve që pengojnë zbulimin e së vërtetës. Silvana Balliu, reklamonte punën e saj si dietologe edhe përmes rrjeteve sociale, të cilat nuk aktualisht nuk janë më aktive.
Discussion about this post