Konflikti për parcelat me kanabis është një tjetër pistë që është shtuar në dosjen hetimore të vrasjes së biznesmenit Ruzhdi Hoxha në Tiranë. Gijotina.com raporton se autori i dyshuar kryesor i kësaj ngjarje, Ferdinand Rrushi, rezulton se është kultivues i një parcele kanabisi, që ndodhet shumë pranë vendit të ngjarjes, në Qafë Mollë të Dajtit, atje ku u gjet i vrarë dhe i hedhur në një humnerë biznesmeni.
Sipas rojes së kësaj parcele, i cili edhe punonte aty për rritjen e bimëve, personi që kishte mbjellë lëndën narkotike ishte Rrushi. Nga ana tjetër policia dhe prokuroria po hetojnë për zbardhjen e ngjarjes së plotë.
Sakaq pista tjetër e mundshme e hetimit është edhe borxhet që biznesmeni mund të ketë patur.
Discussion about this post