Mjeku Ilir Alimehmeti ka deklaruar se nga të dhënat e deritanishme, nuk pritet të ketë shtrëngim masash gjatë festave të fundvitit, gjë e cila po aplikohet në shumë vende të botës për shkak të përkeqësimit të situatës pandemike dhe shfaqjes së mutacionit ‘Omicron’. Alimehmeti argumentoi se mbyllja e pjesshme e vendit nuk mund të aplikohet, por duhen shikuar incidentet dhe të dhënat e ecurisë epidemiologjike në vendin tonë, duke mos iu referuar botës, teksa sjell dhe disa raste nga fqinjët.
“Masat duhet të bazuar mbi evidenca dhe risk. Nuk mund të flitet sepse kështu shkon bota. Risku ka qenë të mbrohen spitalet. Ne tani po shohim rënie të ulët të rasteve. Ne sivjet kemi dhe vaksinat, e cila është një ulëse e vaksinës. Shtete si ne që janë në vend apo rënie nuk kanë pse të diskutohen masat. Duhet shikuar kurba. Në hipje aktualisht është Gjermania, edhe Italia po ashtu. Të gjitha kanë valët e veta. Ne nuk e dimë që nëse vala te ne ishte në shtatorë, ju e mbani mend Kosovën, Maqedoninë. Sot në Kosovë p.sh s’ka raste fare. Edhe brenda shtetit nuk janë zona të njëjta. Sot, në Milano, Bergamo s’ka probleme, sepse mori goditje të fuqishme pranverën e 2020. Sot në universitete është dhënë leje për të qëndruar dhe një sallë leksioni ka më shumë se 50 vetë”, u shpreh Alimehmeti.
Druajtjes së qytetarëve për t’u vaksinuar mjeku epidemiolog iu përgjigj duke thënë se është produkt i keqinformimim që ata kanë, teksa apeloi që qytetarët të vaksinohen në të mirën e shëndetit të tyre.
“Në janar sapo kishin hyrë vaksinat. Ishte kulmi i valës. Në një pyetësor që bëmë pamë që rreth 32% e shqiptarëve nuk donin të bënin vaksinën. Nuk e prisnim. Menduam që shkonte diçka gabim. E dinim që një pjesë e shqiptarëve mezi e priste. 1/3 është e fortë për jo. Pamë që kjo përqindje me një metodologji ndryshe prapë në mënyrë absolute që jo. Ne i pyetëm pse dhe përgjigjet i kuptojmë se janë rezultat i keqinformimit dhe arsyes së mos informimit. Mendoj që informacioni s’ka shkuar siç duhet dhe ka pasur një super informacion nga burime të panjohura me fakte. Mendoj që është keqinformim se sa më shumë hezitim. Duhet të vaksinohemi për të mbrojtur shëndetin personal.”
Discussion about this post