Ka përfunduar shtrimi i tapetit të ri të fushës në stadiumin kombëtar të ‘Air Albania’. Problematikat e shumta të shfaqura gjatë çdo ndeshjeje të zhvilluar në këtë stadium e detyruan ndryshimin e infrastrukturës të tapetit të kësaj fushe.
Nga pamjet e siguruara nga Gijotina.com duket gjendja e fushës së re, e cila do jetë hibride, ndërsa investimi i saj ka kushtuar plot 1 milion euro. Ndryshimi i tapetit në këtë stadium pritej të mbarohej me shpejt në mënyrë që Kombëtarja të luante aty, por kjo gjë nuk u arrit dhe kuqezinjtë u transferuan në ‘Elbasan Arena’ ose të ashtuquajturin stadiumin e fatit.
Takimi me Hungarinë që u luajt në Elbasan u mbyll me fitoren 1-0 të kuqezinjve, ndërsa mbrëmjen e sotme në orën 20:45 do të luhet kualifikuesja e fundit dhe vendimtarja për Botërorin ‘Qatar 2022’ kundër San Marinos./Gijotina.com
