Komisioni i Rithemelimit ka dalë me një njoftim zyrtar pas lajmit për shtyrjen e zgjedhjeve për kryetar dege në Bulqizë, pasi pati përplasje mes kandidatëve për listat e votimit.
Ne njoftim, Komisioni i Organizimit dhe Kontrollit të Operacioneve Elektorale të Partisë Demokratike njofton se zgjedhjet do të zhvillohen të martën pasi nuk u gjet frymë konsensuale për procedurat.
Kujtojmë se më herët kandidati Fatos Hoxha pretendoi se janë shtuar në listë afro 500 anëtarë më shumë. Nga 1700 anëtarë, lista ishte me 2300 anëtarë. Edhe kandidati tjetër Dëfrim Fiku kërkoi që të mos zhvillohet procesi zgjedhor me këtë listë votuesish.
Personat dyshohet se janë shtuar nga kandidati qe ka mbështet Komisionin e Rithemelimit, ku janë konstatuar se emrat jo anëtarë të PD janë nga zona e tij.
Discussion about this post