Konferenca e Kryetarëve në mbledhjes e sotme ka marrë vendim për shtyrjen e analizimit të kërkesës së PD lidhur me ngritjen e tre Komisioneve Hetimore.
Mësohet se kryetari i Grupit parlamentar i PS, Taulant Balla ka thënë se ky debat lidhur me ngritjen e Komisioneve Hetimore duhet të zhvillohet në Kuvendin e Shqipërisë ku të arrihej në një konsensus.
“Kuvendi, në rastet kur kërkohet ngritja e komisionit hetimor nga një e katërta e deputetëve, ka detyrimin që të mos e diskutojë ngritjen e komisionit, por ia nënshtron diskutimit parlamentar shkallën e respektimit të parimeve kushtetuese në objektin e veprimtarisë së tij. Ky debat realizohet me qëllim gjetjen e një konsensusi ndërmjet palëve lidhur me objektin e hetimit, deri në arritjen e një vendimmarrje”, tha Balla.
Javën e kaluar PD depozitoi pranë Kuvendit kërkesën për ngritjen e tre Komisioneve Hetimore, përkatësisht për zgjedhjet e 25 prillit, skandalin me inceneratorët dhe çështjen Bechetti.
