Seanca gjyqësore ndaj turkut Faruk Fatih Ozer, i cili akuzohet për mashtrim me anë të kriptomonedhave është shtyrë ditën e sotme. Shtyrja e seancës është bërë me kërkesë të avokatit mbrojtës së Ozer, pasi ndodhej në një çështje gjyqësore në SPAK. Seanca e radhës nga Gjykata e Elbasanit për Ozer është caktuar që të mbahet më 1 nëntor, ku do të vendoset për ekstradimin e tij.
Faruk Fatih Özer u arratis nga Turqia në 20 prill 2021 dhe u strehua në Shqipëri. Autoritetet turke nisën një hetim më 22 prill, pas një raporti se përdoruesit nuk mund të hynin në llogaritë e tyre të kriptomonedhave Thodex dhe se pronari i kompanisë kishte ikur jashtë vendit.
Bordi i Hetimit të Krimeve Financiare (MASAK) përcaktoi shumën e vjedhur nga i riu në plot 356 milionë lira. Sipas pretendimeve, shuma që ai ka marrë është 2 miliardë dollarë. Si rezultat i hetimeve të hapura, Özer u kërkua një dënim me burg deri në 40 vjet për 3 krime.
Discussion about this post