Gjykata e Apelit ka shtyrë seancën për Armand Dukën dhe dy zyrtarët e tjerë të FSHF, të cilët janë pezulluar nga ushtrimi i funksionit. Sipas informacioneve, avokati nuk ishte dakord me përbërjen e trupit gjykues. Kësisoj ai ka kërkuar kohë për kërkesën për përjashtimin e gjyqtarit.
“Referuar interesimit të medias për gjykimin në lidhje me masat e sigurimit ndaj zyrtarëve të FSHF, ju njoftojmë se avokati mbrojtës nuk qe dakord me përbërjen e trupit gjykues (z. Genti Shala) dhe kërkoi kohë të paraqesë me shkrim kërkesën për përjashtimin e gjyqtarit. Për t’i dhënë mundësi mbrojtësit që të paraqesë kërkesën në formën e kërkuar nga ligji, seanca gjyqësore u shty për më datë 18.03.2022 ora 10:00” – shkruhej në njoftimin e shpërndarë nga Gjykata e Apelit të Tiranës rreth çështjes në fjalë që është pasojë e hetimeve për parregullsitë në zhvillimin e zgjedhjeve në Shoqatën Rajonale të Tiranës.
Discussion about this post