Gjykata e Lartë ka shtyrë ditën e sotme seancën për bandën e Lul Berishës. Shkak është bërë mungesa e avokatit mbrojtës.
Banda kriminale ka nisur të veprojë në Durrës prej vitit 1998, kur Lulzim Berisha, në bashkëpunim me Plaurent Dervishaj, Adriatik Colin, Klodian Saliun dhe Ilir Xhungën vranë me armë zjarri Dritan Sallakun.
Në 17 dhjetor të vitit 2016 prokuroria kërkoi rikthimin e Lulzim Berishës në burg.
Kapobandoja i Durrësit ka përfituar nga një seri e gjatë vendimesh gjykate për ulje dënimi. Ai u dënua fillimisht me burg përjetë, më pas vendimi u ul në 25 vjet, por kreu i “Bandës së Durrësit” bëri vetëm 10 vjet burg dhe u lirua me kusht 5 vjet përpara se t’i përfundonte afati i dënimit. Ai u arrestua në prill të vitit 2006, në Tetovë pasi ishte shpallur në kërkim për 5 vrasje dhe krijim të një organizate kriminale. Gjykata e Apelit në Durrësit vendosi në 5 dhjetor që të lirojë me kusht ish-kreun e “Bandës së Durrësit”, Lulzim Berishën.
“Banda e Durrës” përbëhej nga 16 anëtare të cilët u dënuan në total me 245 vite burgim nga gjykata e Shkallës së Parë për Krimet e Rënda, vendim i lënë në fuqi dhe nga Apeli ndërsa pas rekursit në Gjykatën e Lartë i vetmi që s’ka mundur t’i shpëtojë burgimit është Indrit Dokle. Dënimi me burg përjetë iu hoq dhe Plarent Dervishajt i njohur si krahu i djathtë i Lulzim Berishës. Provat e forta të prokurorisë që çuan në dënimin kësaj bande ishte dëshmia e Adriatik Colit i cili u pendua dhe mori statusin e bashkëpunëtorit të drejtësisë duke u dënuar me 10 vite burg.
Discussion about this post