Është shtyrë seanca në Gjykatën e Tiranës për Dritan Goxhajn, ish anëtarin e UÇK-së, i cili u arrestua në Tiranë pas urdhër arrestit nga Gjykata Speciale.
Shkak u bë mungesa e përfaqësuesit të akuzës Ylli Pjetërnikaj.
Avokati mbrojtës kishte kërkuar revokim të masës arrest në burg, me argumentin se s’ka provë të re që prej 18 ditësh kur është dhënë masa.
Për mediat avokati i Goxhajt, Bashkim Nikolla u shpreh se Dritani po gjykohet padrejtësisht. Ai është luftëtari i lirisë si dhe i lirisë së fjalës. Avokati ka kërkuar mosekstradimin e Goxhajt.
“Për të qetësuar Evropën po bëjmë fli popullin shqiptar. Po bëhet kurban Dritani…
Pa asnjë vlerë juridike kërkojnë të rrëmbjenë një person. Kemi kërkuar mospranimin e kërkesës për ekstradim dhe heqjen e masës penale. Kjo kërkesë u la në fuqi. Sot prisnim të merrej në shqyrtim revokimi që kemi bërë ne. Për shkak se prokurori është jashtë shtetit ësht lënë për datën 12 shtator. Luftëtari i dy luftërave… si luftëtar i lirsë së fjalës së lirë.. të çlirojmë të vërtetën atje ku të tjerët e mbulojnë. Dritani kërkon drejtësi.. është kolegu juaj.
Jam në dijeni të emrave. Një ndër ta është Altin Raxhimi, i cili ka punuar tek BIRN në Beograd. Është shkruesi i artikullit të parë në lidhje me shtëpinë inekzistente të verdhë, në bazë të të cilit u bë rezoluta në BE.”
Discussion about this post