Shtyhet sërish seanca për Enkelejda Hoxhën, ish-gjyqtarja kërkoi kohë

Është shtyrë për të disatën herë seanca gjyqësore për ish-gjyqtaren Enkelejda Hoxha, ndërsa mësohet se seanca e radhës është caktuar në 10 janar.

Sakaq, në seancën që u mbajt sot dhanë mbrojtjen e tyre të pandehurit Trendafile Frangu (infermiere), dhe Isuf Tanuzi. Ky i fundit në konkluzionet që paraqiti vetë para gjykatës implikoj në fjalën e tij të pandehurit G.Nezaj, A.Tabaku, M.Mallkuci dhe gjyqtaren.

Në seancë mungoi Enkelejda Hoxha, e cila kërkoi kohë që të paraqiste mbrojtjen vetë. Hoxha u arrestua me urdhër të SPAK në shkurt të këtij viti pasi akuzohet për korrupsion. Ishte ky institucion që kërkoi dënimin e saj me tre vite e gjysmë burg.

 Ish-gjyqtarja ndodhet në burg që prej 11 shkurtit, bashkë me 9 persona të tjerë, në kuadër të një operacioni të SPAK, pasi ishte vënë në përgjim prej muajsh.