Zyrtarizimi i Raphael Varane te klubi i Manchester United do të shtyhet me 1 javë më shumë. Bazuar në raportimet e ‘Daily Telegraph’ mësohet se shkak për këtë është bërë fakti se mbrojtësi francez është ende duke pritur një vizë për të udhëtuar në Angli.
Ndërsa më pas ish-yllit të Real Madrid do i duhet të qëndrojë pesë ditë në karantinë dhe të rezultojë negative në testin e Covid-19, për t’iu nënshtruar më pas ekzaminimeve mjekësore dhe nënshkrimit të kontratës që do ta lidhë atë me ‘Djajtë e kuq’ të Anglisë.
Rikujtojmë se akordi i United me Varane ishte një nga lajmet më të bujshme të kësaj merkatoje, pasi francezi u largua nga Spanja pas një experience rreth 10-vjeçare me klubin e Real Madrid./Gijotina.com
