Një shtyllë elektrike e cila ndodhet në anë të rrugës qe të çon për në plazhin e Talës, po vë në rrezik jetën e banorëve në zonën Lezhës.
Kjo gjendje ka 4 ditë që vazhdon dhe OSHEE ende nuk ka marrë asnjë masë për riparimin e kësaj shtylle, duke rrezikuar jetën e kalimtareve.
Siç mund ta shihet edhe në fotot e siguruara nga gazetarët e Gijotina.com, shtylla elektrike qëndron e varur dhe mund të bjerë nga momenti në moment.
Banorët gjithashtu janë të shqetësuar dhe në ankth, pasi nëse kjo situatë, që ka potencialin për të shkaktuar rrezik, do të vazhdojë të qëndrojë në këtë mënyrë, atëherë do të ketë një përfundim fatal.
