Shtyrja e përballjes mes Erzenit dhe Kukësit është bërë pasi ekipin verilindorë e ka kapluar një virozë dhe disa prej lojtarëve nuk kanë zhvilluar stërvitjen e plotë, teksa një pjesë e stafit janë helmuar, sipas asaj që raporton “Panorama Sport”.
Pas dakortësisë që është arritur mes dy ekipeve është vendosur edhe shtyrja e këtij takimi, ndërsa FSHF ka marrë edhe vendimin se kur do të luhet kjo përballje.
“Departamenti Garave në Federatën Shqiptare të Futbollit dëshiron t’ju informojë se ndeshja Erzeni-Kukësi, e planifikuar për tu zhvilluar ditën e shtunë, është spostuar ditën e hënë në orën 15:00, pas dakortësisë së arritur ndërmjet dy klubeve.
Pas këtij vendimi është kryer njoftimi i zyrtarëve të ndeshjes dhe kompanisë Oversport që është edhe transmetuesja zyrtare e Abissnet Superiore”, thuhet në njoftimin e FSHF-së.
Discussion about this post