Ndahet nga jeta në moshën 68-vjeçare Emmanuel Kunde, ish-mbrojtësi i Kamerunit të famshëm. Lajmin e bëri të ditur vetë Federata Afrikane e Futbollit, e cila përkujtoi ish-lojtarin e saj si një nga idhujt e padiskutueshëm të futbollit kamerunas, që gjatë Kupës së Botës “Itali ’90” mahniti botën duke mposhtur në mënyrë të pabesueshme në ndeshjen hapëse Argjentinën e Diego Armando Maradonës. Pas tërheqjes nga futbolli, Kunde vazhdoi të angazhohej në këtë sport, duke ushtruar funksionin e drejtorit teknik dhe trajnerit në disa klube, dhe duke dhënë kontributin e tij edhe për Kombëtaren.
Shkaqet nuk bëhen të ditura
Lajmi për vdekjen e Kunde, në moshën 68-vjeçare, u dha këtë të premte nga FECAFOOT, institucioni kombëtar që drejton futbollin në Kamerun. Edhe pse shkaku i vdekjes nuk u bë i ditur, në një deklaratë të publikuar në Facebook, federata shprehu keqardhjen e saj për humbjen e ish-mbrojtësit, të cilin e përshkroi si një “ish-luan të pamposhtur”, duke iu referuar pseudonimit që Kombëtarja e Kamerunit fitoi nga vitet ’90 e tutje: “Kunde ishte pjesë e brezit të artë që mori pjesë në Kupën e Botës të vitit 1990 në Itali, gjatë së cilës Kameruni u bë kombi i parë afrikan që arriti në çerekfinale të një Botërori”, thuhet në komunikatë, duke e përshkruar vdekjen e ish-lojtarit si “një humbje të madhe për futbollin kamerunas”.
Kush ishte Emmanuel Kunde?
Emmanuel Kunde pati një karrierë të shkëlqyer si mbrojtës, sidomos me fanellën e kombëtares së tij, duke përfaqësuar vendin në dy Kupa Bote: Spanjë 1982 dhe Itali 1990. Ai ishte gjithashtu një lojtar kyç në kombëtaren që fitoi dy herë Kupën e Afrikës, në vitin 1984 dhe 1988. Karriera e tij si lojtar ishte kryesisht e lidhur me vendin e tij, me ngjyrat e Canon Yaoundé, klubit të kryeqytetit të Kamerunit, ku la një gjurmë të pashlyeshme, duke provuar gjithashtu një përvojë të shkurtër në Evropë, duke luajtur në Francë për Stade Reims.
Samuel Eto’o rend visite à la famille Kundé Emmanuel.
— The Cameroonian 🇨🇲 (@TheCameroonianZ) May 18, 2025
Impakti në Botërorin ’90
Në fazën e grupeve, Kameruni e përsëriti veten kundër Rumanisë me një fitore 2-1, për të humbur më pas 4-0 ndaj Bashkimit Sovjetik. Në 1/8 e finales mundën Kolumbinë në shtesë me një dopietë të legjendarit Roger Milla, ndërsa në çerekfinale gjithçka mori fund përballë Anglisë, që fitoi 3-2 gjithashtu pas kohës shtesë. Kunde, që në atë kohë ishte 33 vjeç, luajti titullar në të gjitha ndeshjet në mbrojtjen e “Luanëve të Pamposhtur”, përveç asaj kundër kolumbianëve.
Discussion about this post