Gazetari Milto Baka, një ndër emrat e rëndësishëm të Radio Televizionit Shqiptar, është ndarë nga jeta në moshën 77 vjeçare.
I ndjeri ishte në vite shefi i Departamentit të Informacionit në RTSH. Ai ka lënë pas një karriere të konsoliduar në median e shkruar dhe atë radiotelevizive.
Bashkë me emra të tjerë të shquar si Alfons Gurashi, Shyqyri Skënderi, Tefta Radi, Amalia Dhamo e shume të tjerë, Milto Baka ishte ndër gazetarët e parë që themeluan gazetarinë televizive shqiptare.
Arkiva e RTSH ka në memorjen e saj kronika dhe emisione të shumta që mbajnë firmën e Milto Bakës. Milto Baka e kishte nisur karrierën nisur në redaksinë e lajmeve të Radio Tiranës.
I specializuar si gazetar ekonomie, vitet e fundit Milto Baka ia kushtoi marketingut në media kryesore.
Drejtori i Përgjithshëm i Agjencisë Kombëtare të Lajmeve NOA.al, Edison Kurani dhe redaksia, shprehin keqardhjen për ndarjen nga jeta të të ndjerit Milto Baka duke kujtuar me nostalgji shumë vite bashkëpunim në media.
Discussion about this post