Është ndarë nga jeta këngëtari Bujar Tabulla, i njohur nga publiku si “bilbili i Labërisë”. Këngëtari i dashur i “Djemve të Delvinës”, u shua në moshën 65-vjeçare, pas një sëmundjeje të rëndë.
Ai ishte një zë i rrallë që përfaqësonte shpirtin e Labërisë.
Bujar Tabulla, një nga zërat më të dashur dhe të veçantë të këngës labe, lindi dhe u rrit në Delvinë. Ai nisi të këndonte që fëmijë, duke u bërë edhe themeluesi i grupit të qytetit “Djemtë e Delvinës”, ku spikati me zërin e tij të ngrohtë, të pastër dhe plot emocion.
Breza të tërë e njohën si “bilbilin e Labërisë”, një titull që e fitoi me shpirt e talent, me pasionin dhe përkushtimin që i dha këngës polifonike shqiptare.
Me përulësi dhe dinjitet, Bujar Tabulla shërbeu për vite me radhë edhe në ndërmarrjen e pyjeve, duke i qëndruar afër natyrës, me të njëjtën dashuri me të cilën i këndonte asaj. Ai ishte njeri i thjeshtë, punëtor, i dashur për komunitetin dhe mik i të gjithëve.
Discussion about this post