Shuhet mjeku i njohur shqiptar

Ndahet nga jeta mjeku i terapisë intensive në Maternitetin “Koço Gliozheni” Dr. Lefter Mano.

Lajmin e ka konfirmuar Ministrja e Shëndetësisë dhe Mbrojtjes Sociale Ogerta Manastirliu.

Në një postim në rrjetet sociale, ajo shkruan:

“E trishtuar për ndarjen nga jeta të Dr. Lefter Mano, një mjek i përkushtuar e njeri i rrallë, që i dedikoi jetën kujdesit për të porsalindurit. Për disa dekada në shërbim të fëmijëve nga Tepelena në Tiranë, në repartin delikat të terapisë intensive në Maternitetin “Koço Gliozheni”, Dr. Lefteri gëzoi respektin dhe mirënjohjen e shumë prindërve për përkushtimin e jashtëzakonshëm që ai kishte, në përkujdesje ditë-natë për të vegjlit në vështirësi, duke shpëtuar jetë. Kur sapo ishte ndarë nga profesioni që e deshi aq shumë, Dr. Lefteri nuk ia doli dot të fitojë betejën e tij për jetën, duke lënë pas një boshllëk të papërshkrueshëm për familjen e tij, kolegët dhe miqtë e shumtë”.