Kryeministri Edi Rama nuk i ka ndalur kritikat dhe fyerjet për qytetarët që kanë zgjedhur të protestojnë për rritjen e çmimeve duke i cilësuar protestat si “turp”. Në një takim me Shoqatën e Transportit, Rama përsëriti se protestat janë në avantazh të Kremlinit, duke thënë se pasojat e luftës reflektojnë krizë çmimesh.
“Thelbi në këtë përpjekje tonën është që ne nuk mund ti bëjmë të gjitha ato që do duheshin për të mos ndjerë se këtu ka luftë. Problemi është se lufta me bomba për ne është në televizor, ama është e kotë dhe kundër produktive që ne të mos e pranojmë të gjithës ë bashku dhe të mos ndahemi për hir të ca delirantëve dhe sharlatanëve që duan ta shfrytëzojnë këtë situatë që të jemi bashkë të gjithë në fakte. Kaluan 10, 20 ditë, qeveria nuk po je shenjë, ok atëherë. Po kur qeveria thotë ne jemi këtu dhe kemi bërë këtë deri tani, të vraposh të dalësh rrugëve dhe ta bësh Shqipërinë të vetmin vend, akoma sot ku në mes të kryeqytetit protestohet si alienë është turp, shumë turp”, tha Rama.
Më herët, në një deklaratë për shtyp ditën e sotme grupi iniciator paralajmëroi se protesta e nesërme do të jetë masive si ajo e javës së kaluar.
Discussion about this post