Punonjësit e administratës publike tashmë do të mund të aplkikojnë për kredi me 3 % interes për të blerë banesa. Kushter për të përfituar janë që punonjësi të ketë kaluar provën, të mos ketë banesë ose të ketë një banesë që ka sipërfaqe te vogël
Për herë të parë ligji për strehimin social ka kategorizuar punonjësit e administratës publike si kategori me prioritet për kreditë me interes të ulët për sigurimin e strehimit. Ndryshimet ligjore janë miratuar dhe tashmë pritet hyrja e tyre në fuqi.
Por çfarë parashikon skema e re për këtë kategori?
Referuar vendimit, punonjësit e administratës publike do të përfitojnë kredi për strehim me 3 % interes. Kushtet që duhet të plotësojë një i punësuar në shtet për të marrë kredi të butë janë
-të ketë përfunduar periudhën e provës në institucionin ku është punësuar
Si dhe të plotësojë njërin nga kushtet e mëposhtme të strehimit
-të mos ketë banesë në pronësi në emër të tij dhe në emër të secilit prej anëtarëve të familjes;
-të banojë në një banesë me sipërfaqe më të vogël se ato të përcaktuara në standardet në fuqi për projektimin e banesave.
I punësuari në administratën publike, që plotëson kriteret duhet të paraqesë kërkesën për kredi të lehtësuar pranë institucionit ku është i punësuar.
Titullari i institucionit të administratës publike harton listën me të punësuarit e institucionit që plotësojnë kriteret dhe ia përcjell për miratim ministrit përgjegjës.
I punësuari në administratën publike përfiton kredi në masën e barabartë me vlerën e banesës në treg nëse me vendim të Këshillit të Ministrave është miratuar një garanci shtetërore për huan ose kur institucioni financiar parashikon financim 100% të vlerës së banesës.
I punësuari në administratën publike, që banon nën normat e strehimit përfiton kredi të lehtësuar në masën jo më shumë se 60% e vlerës së banesës në treg që i takon sipas përbërjes së tij familjare.
Kredia konvertohet drejtpërdrejt në kredi tregtare në rastet kur I punësuari largohet nga vendi i punës përpara afatit 5 vjeçar nga lidhja e kontratës së kredisë së lehtësuar për strehim, kur I është dhënë masë disiplinore largim nga detyra apo kur pezullohet nga ushtrimi I detyrës.
Buxheti i vënë në dispozicion të subvencionimit të normave të interesit për kredimarrësit është afro 5.3 miliardë lekë në vit dhe llogaritet që përfitues të jenë afro 20 mijë familje të reja. Deri më tani administrata nuk ishte e përfshirë në këtë program, dhe përfitues ishin kryesisht familje e reja të cilët nuk dispononin pronë, gratë kryefamiljare, personat me aftësi të kufizuara, komunitetet rome dhe egjiptiane.
Kushtet për të përfituar kredi 3 %
- Të ketë përfunduar periudhën e provës në institucionin ku është punësuar
- Të mos ketë banesë në pronësi në emër të tij dhe në emër të anëtarëve të familjes
- Ose të banojë në një banesë me sipërfaqe më të vogël se ato të përcaktuara në standardet në fuqi për projektimin e banesave.
Discussion about this post