Gjatë paradites në Shqipëri ultësira perëndimore do të jetë nën ndikimin e motit të kthjellët. Ndërsa në zonat malore, do të ketë dhe vranësira të shpeshta. Parashikohet që pasditja të shfaqë vranësira të lehta nëpër të gjithë territorin e vendit ku më të dukshme do të jenë në zonat veriore dhe veriperëndimore, megjithatë nuk priten reshje në territor.
Temperaturat e ajrit do të ulen lehtë në mëngjes por do të mbeten konstante në mesditë duke, u luhatur nga -4°C deri në 14°C. Era do të fryjë e lehtë deri mesatare me shpejtësi 30 km/h nga veriperëndimi për pasojë në brigjet detare do të gjenerohet dallgëzim 1 – 2 ballë.
Kosova
Prej disa ditësh territori i Kosovës në pjesën më të madhe ndodhet në mbizotërimin e motit të qëndrueshëm, ku edhe gjatë ditës së diel në vend do të ketë alternime kthjellimesh dhe vranësirash. Parashikohet që kthjellimet të jenë më të dukshme gjatë paradites. Ndërsa pjesa e dyte e ditës do të sjelli në Kosovë shtim gradula të vranësirave të cilat më të foksuara do të jenë në zonat Veriore, ku dhe do të gjenerojnë reshje të pakta dëbore.
Maqedonia e Veriut
Masat ajrore të qëndrueshme kanë përfshirë të gjithë republikën e MV, duke sjellë në orët e parë të ditës dominim të kthjellimeve dhe kalime të pakta vranësirash në zonat Lindore. Ndërsa gjatë pasdites dhe mbrëmjes do të ketë shfaqje të vranësirave të pakta në të gjithë territorin. Në MV vijojnë mëngjeset e fohta ku vlerat minimale do të jenë nga 0 në -5.
Rajoni dhe Evropa
Zhvillimi i ciklonit të Islandës do të diktojë motin në pjesën më të madhe të Evropës, duke sjellë vranësira të dendura dhe reshje dëbore në Veri dhe Lindje të kontinentit. Gjithashtu me mot të paqëndrueshëm mbetet Evropa Qendrore, ku do të jetë me vranësira të shumta të cilat do të gjenerojnë reshje shiu herë pas here në formë rrebeshi të shoqëruara me mini stuhi ere. Ndërsa Evropa Jugore në pjesën më të madhe të saj do të ndikohet nga vlerat e larta barike të cilat do të sjellin alternime kthjellimesh dhe vranësirash.
Discussion about this post