Motra e Gjestit, Blerina, në një intervistë në “Big Brother VIP Fan Club”, ndau mendimet e saj mbi përvojën e vëllait të saj në shtëpinë e “Big Brother VIP Albania”.
E pyetur nëse mendon që Egli po luan një lojë, Blerina u përgjigj: “Jo, nuk e mendoj. Sa e njoh unë, jo.”
Në lidhje me mundësinë e një romance mes Eglit dhe Gjestit, ajo tha: “Ata e vendosin vetë. Nuk jemi kundër. Është shumë e mirë, shumë e sjellshme, por vendimi u përket atyre.”
Kur u pyet për ndjenjat e familjes lidhur me debatet e ashpra të Gjestit me Jozin dhe G-Banin, Blerina shprehu: “Normal që nuk jemi ndjerë mirë, por nuk kemi pasur ndonjë mendim; ka ndodhur.”
Këto komente vijnë pas disa situatave të tensionuara në shtëpi, ku Gjesti është përfshirë në debate me banorë të tjerë. Në një rast, Jozi e quajti Gjestin “budalla” dhe “peshë e lehtë” gjatë një debati.
Discussion about this post