Një tjetër protestë para SPAK u mbajt sot nga Aleanca për Teatrin. Në fokus është mos-marrja e përgjigjeve për hetimin e shembjes së godinës. Ata e konsideruan ambientin ku po mbajnë tubimin si “vendimin e krimit”.
Në deklaratën e bërë për median, regjisori, Edmond Budina foli edhe për kërcënimin e kryeministrit Edi Rama për vetting ndaj pedagogëve.
Budina tha se Rama duhet ta niste së pari nga vetja, duke shpjeguar sesi ka ndërtuar banesën e tij në Surrel të cilësuar si “saraje” për shkak të përmasave madhështore.
“Ka kërcënuar pedagogët me vetting. Pse nuk e fillon nga vetja? Na shpjego si i ke bërë ato sarajet në Surrel. Ne emigracionin e kemi mbajtur në kurriz dhe nuk bëhej ato saraje me emigracion, njëherë na thua se ta ka bërë gruaja, njërherë tjetër me paratë e librit dhe pikturave.
Mos të ka ikur mendja dhe nuk thua se e ke bërë me 20% të këtyre kullave që ngrihen këtu çdo ditë në Tiranë? Apo mos e ke bërë me paratë e inceneratorëve?”-tha Budina.
Discussion about this post