Vazhdimisht bëhen studime dhe tentohet të jepen këshilla se sit ë rrisim fëmijë të edukuar, suksesshëm që ia dalin të ndërtojnë një jetë të denjë pasi të rriten. Por Departamenti i Policisë së Hjustonut në Teksas ka publikuar një listë me 7 pika të cilat iu shërbejnë për të rritur fëmijë kriminelë, që në të ardhmen do të thyejnë ligjin dhe kryejnë vepra penale.
1.T’i japësh fëmijës tënd gjithçka që ai kërkon. Ai do të besojë se ka të drejtë të marrë gjithçka që dëshiron.
2.Të qeshësh kur yt bir thotë fjalë të këqija. Do të rritet duke menduar se të mos respektosh është zbavitëse.
3.Të mos e kritikosh kurrë tët bir për sjelljen e tij të keqe. Do të rritet duke menduar se në shoqëri nuk ekzistojnë rregulla.
4.Të mbledhësh gjithçka që yt bir lë rrëmujë. Do të rritet duke menduar se barra për përgjegjësitë e tij bie mbi të tjerët.
5.T’i lejosh që të shikojë çdo lloj programi në televizion. Do të rritet duke besuar se nuk ka ndonjë dallim midis një fëmijë dhe një të rrituri.
6.T’i japësh tët biri të gjitha paratë që të kërkon. Do të rritet duke menduar se është e lehtë t’i marrësh paratë dhe nuk do të mendohet dy herë të vjedhë për t’i arritur ato.
7.Të mbash gjithmonë anën e tij, kundër komshinjve, mësuesve dhe policisë. Do të mendojë se ajo që bën ai është gjithmonë e drejtë dhe janë të tjerët ata që gabojnë.
Sipas Departamentit të Policisë së Hjustonut në Teksas, duke ndjekur këshillat e mësipërme ju garantojmë se fëmija juaj do të bëhet një kriminel dhe ne do të bëjmë gati një qeli për të.
