Tre shqiptarë dhe një belge pasi tentuan të kalonin në mënyrë ilegale kufirin për në Britaninë e Madhe, rrezikojnë deri në 50 muaj burg.
Gjykata e Bryzhit pritet të jap më 25 korrik vendimin ndaj 4 personave të cilët përmes furgonit të belges tentuan të hyjnë për në Angli. Tre shqiptarë u zbuluan mes një grumbulli pikturash që gruaja nga Belgjika pretendonte se do t’i shiste në Angli.
Furgoni i Viviane V. u ndalua në Nieuwpoort, ku gjatë kontrollit u gjetën edhe tre shqiptarët dhe bashkë me ta edhe një fëmijë tre vjeçar.
Hetimet zbuluan se 36-vjeçari shqiptar Ermal L. mësohet se ka shoqëruar gruan belge në Drongen ku u takuan edhe me dy shqiptarët e tjerë, Hysen D. 35 vjeç dhe Basri A. 40 vjeç. Avokatët mbrojtës kanë kërkuar pafajësinë e tyre, ndërsa vendimi përfundimtar pritet të jepet më 25 korrik.
Discussion about this post