Sa më shumë afron fundi i hetimeve të SPAK për kryetarin e Bashkisë, Erion Veliaj, aq më shumë nxitojnë bashkëpunëtorët e tij të mbyllin pazaret. Kështu, drejtuesit e ndërmarrjes së bashkisë “Eco Tirana” përmbyllin me shpejtësi tendera që i dërgojnë paratë në llogaritë e oligarkëve. Kujtojmë se kompania “ECO Tirana” që është përgjegjëse për pastrimin e kryeqytetit, është krijuar si “joint venture” mes bashkisë Tiranë dhe një biznesmeni të dënuar për lidhje me mafian në Verona. Kjo shoqëri vazhdon të shërbejë pastrimin e parave e pista.
Këtë herë “Eco Tirana” ka zhvilluar një prokurim me objekt “Furnizimin me karburant”, ku do të shpenzohen 2.5 milionë euro. Procedura e prokurimit është hapur më datë 30 prill 2024 dhe ka zgjatur deri më datë 7 qershor 2024. Bashkimi i operatorëve “Mend Oil” shpk – “Kastrati” shpk janë të vetmit që kanë dorëzuar një ofertë. Me sa duket të tjerët e kanë ditur që në fillim për kë ishte caktuar kjo kontratë dhe nuk e kanë marrë mundimin fare të marrin pjesë!
Kështu, në datën e mbajtjes së tenderit, Kastrati dhe pronari i ‘Mend Oil’, Ermalt Gerbollit e kishin rrugën e hapur për ta marrë kontratën e furnizimit..
Me një të rënë të lapsit kryetari Veliaj, përmes shoqërisë që e ka në varësi i dërgojë këto para tek dy oligarkët. Fakti që kishte mungesë konkurrence është bërë alarm nga Open Data Albania që i ka vënë tenderit “Flamurin e kuq”. Kujtojmë se kjo është shenja e riskut të korrupsionit. por ne nuk mund të na kaloj një tjetër shkelej, oferta shumë e shtrenjtë. Madje shohim që oferta e fituesve është 2.5 milionë euro, pra 10% e fondit limit. Ky është një tjetër fakt që tregon se fondi limit të përllogaritur mbi bazën e porosisë së dy fituesve. Dhe për të mbaruar punë shpejt, Veliaj përdor si gjithmonë shoqërinë “Eco Tirana” për këto manovra.
Kush është ortaku në hije i Gerbollit
Na bën përshtypje se si ia ka lejuar vetes Shefqet Kastrati të hyjë në tender dhe të ndajë fitimin me një kompani më të vogël se e tija. Kompania “MEND OIL” ka pronar Ermalt Gerbollin që nuk mbetet pas për nga influenca tek ekspontentët e qeverisë. Sipas akuzave të opozitës, që nuk janë hedhur poshtë deri më sot nga Gerbolli, pas shkëlqimit të tij në tendera fshihet Feti Zeneli, truproja i kryeministrit Rama, i cili me sa duket ndërhynë për të garantuar marrjne e kontratave me institucionet. dhe gjatë feksja kohe ka bërë namin me vjedhje përmes tenderëve. Më saktë, duhet të kujtojmë se në vitin 2019 disa denoncime janë dërguar në faqen e Sali Berishës mbi këtë firmë. Më poshtë është njëri prej këtyre denoncimeve:
“…Ermalt Gerbolli duke përdorur lidhjet e Fetiut kanë hapur kompaninë MEND OIL. Ku Feti Zeneli është siguruesi nga çdo problemi ne lidhje me shtetin. Këta te dy duke përdorur inspektoratin ISHTI po dëmtojnë me gjoba dhe mbyllje biznese konkurrentët e tyre. Duke filluar nga qyteti i Librazhdit që e kanë monopol, në Krujë që po dëmtojnë konkurrentët duke u çuar shtetin”, shkruante ndër të tjera një denoncues.
Më tutje ai ka përmendur faktin se këta dy oligarkëve bashkëpunojnë edhe me kryetarin e Bashkisë Tiranë. Madje ky i fundit po i ndihmon të shtrijnë tentakulat kudo në kryeqytet.
“Në Tiranë, në Don Bosko, e kanë marrë me qira 30 mijë lekë të reja nga Bashkia Tiranë sipërfaqen 1000 m2 karburant…”, ka theksuar denoncuesi në vitin 2019.
Duke u kthyer tek tenderi, therksojmë një fakt që duhet të jetë në vëmendjen e organeve audituese: Formulari i shpalljes së fituesit është i paqartë për afatin e kontratës.
Në shpalljen e tenderit informohej se afati i furnizimit me naftë do të jetë 12 muaj, ndërsa në dokumentin e shpalljes së fituesit të tenderit caktohet viti 2026 për përfundimin e kontratës.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post