Instituti për Siguri Ndërkombëtare me seli në Beograd bëri paralajmërimin e fortë se gjatë janarit të vitit të ardhshëm, Shtetet e Bashkuara të Amerikës do të vendosin sanksione ndaj zyrtarëve dhe biznesmenëve në disa shtete të Ballkanit, ku përfshihet dhe Kosova.
Lajmi është bërë i ditur përmes një statusi në p llogarinë zyrtare në “Tëitter” të këtij instituti.
“Në janar, Shtetet e Bashkuara do të vendosin sanksione ndaj individëve nga Ballkani. Sanksionet do të vendosen ndaj një pjese të komunitetit politik dhe të biznesit në Serbi, Republika Srpska, Mal i Zi dhe Kosovë”, thuhet në njoftim.
Drejtuesi i këtij instituti Orhan Dragas, ka bërë me dije se janë rreth 50 individë që janë në shenjestrën e SHBA-së, për t’u sanksionuar.
“Këto janë sanksione të drejtuara ndaj individëve që synojnë të japin rezultate. Në bullgari u provua se janë shumë efektive”, ka thënë ai, duke sqaruar se ky vendim prek vetëm individët dhe jo shtetin.
Tutje Dragas ka thënë se paralajmërimi për sanksione është në linjë me atë që emisari Special për Ballkanin Perëndimor, Gabriel Escobar, ka thënë së fundi. Escobar gjatë vizitës së tij në rajon kishte thënë se sanksionet kundër politikanëve janë një opsion realist.
“Dhe jo vetëm sanksionet, ka mjete të tjera ekonomike që mund të zbatohen jo vetëm ndaj drejtuesve që kryejnë aktivitete anti-Dejton, por edhe ndaj atyre që i mbështesin, dhe ndaj kompanive që i ndihmojnë”, ka shtuar Dragas.
U januaru će SAD uvesti sankcije pojedincima sa Balkana. Na osnovu Zakona Magnitski. Sankcije će biti uvedene delu politicke i biznis zajednice u Srbiji, Republici Srpskoj, Crnoj Gori i Kosovu.
— International Security Institute (@ISIMIB) December 2, 2021
Discussion about this post