Përmes një tenderi pa garë të ndarë mes katër subjekteve pjesmarrëse, Agjencia e Blerjeve të Përqendruara ka siguruar jetën e anëtarëve të Komisionit të Pavarur të Kualifikimit. Në njoftimin e publikuar thuhet se ky tender do t’i jepet ofertuesit me çmimin më të ulët dhe ekonomikisht më të favorshëm, por nga procedurat e ndjekura duket se ligji i konkurrencës mes subjekteve nuk është zbatuar, duke ndarë kështu tenderin në pjesë mes kompanive të sigurimit të jetës.
Konkretisht bëhet fjalë për 4,452,000 (Katër milion e katërqind e pesëdhjetë e dy mijë) lekë, të cilat do të vihen në dispozicion për sigurimin e jetës dhe shëndetetit të anëtarëve të sistemit më të lartë të drejtësisë në vend, atyre të Vettingut. Kompanitë fituese të tenderit sipas njoftimit të publikuar janë “SiCRED”, “INSIG JETE”, “SIGAL UNIQA Group AUSTRIA” dhe “SIGAL LIFE UNIQA Group AUSTRIA” .
Discussion about this post