Ditën e sotme Bashkia Tiranë ka shtuar në listën “Red Flag” një tjetër tender qesharak, por me vlerë marramendëse. Çdo ditë e më shumë shtohet lista e tenderëve pa garë për Erion Veliajn, ndërsa sot ka bërë fituese pa konkurrim kompaninë “A R J E I L” sh.p.k, e cila nuk ka dorëzuar në kohë dokumentet, por gjithsesi pa asnjë probleme fitoi tenderin. Ky tender kap vlerat e 27, 852 200,00 lekëve dhe ka si objekt blerje pllakash dhe bordura.
Përveç se kjo është një vlerë e lartë që si gjithmonë Veliaj i shpenzon për gjëra të tilla, institucioni prokurues ka përjashtuar nga gara pa të drejtë kompanitë e tjera që aplikuan, duke thënë se nuk kanë paraqitur dëshmi për pagesën e taksave vendore ose nuk kanë dërguar dëshmi për mjetet e transportit që duhet të garantojnë ato.
Me justifikime të tilla institucioni prokurues ka shpallur fituese kompaninë me ofertën më të shtrenjtë, konkretisht me 21 358 350,00 lekë. Ndërsa të gjitha kompanitë e tjera kanë paraqitur atë me ofertë më të lartë. Sipas dokumentit të publikuar operatori ekonomik “BAÇI – EL 2003 SH.P.K” sh.p.k, me NUIS K42724211C, tashmë i skualifikuar ka paraqitur ofertën me vlerë 20.889.160 lekë, ndërsa Operatori ekonomik “GJONI – AN” sh.p.k kishte ofertën me vlerë 21.168.600 lekë dhe Operatori ekonomik “ZDRAVO” sh.p.k kishte ofertën rreth 21.352.300 lekë.
Pra qartë duket që të tria kompanitë kanë paraqitur ofertat me vlera më të ulta, por sikur e ka “hobi” Veliaj ka preferuar të shpall fituese kompaninë më të shtrenjtë, duke përjashtuar qëllimisht nga gara kompanitë e tjera.
Discussion about this post