Goran Siljanovski, futbollisti i skuadrës së Dinamos ka theksuar se kryeqytetasit nuk janë ende në formën maksimale dhe se duhet një punë e madhe në të kundërt sipas lojtarit maqedonas mundesh edhe nga Skënderbeu.
“Unë mendoj se Dinamo është në rritje javë pas jave dhe më e mira akoma nuk ka ardhur. Nuk është ky maksimumi i Dinamos. Sigurisht, nuk do të jetë një ndeshje e njëjtë me atë të Kupës dhe ne nuk duhet të mendojmë se e kemi mundur Tiranën dhe mund të thyejmë përsëri. Gjithçka nis nga e para dhe siç e thashë që në fillim, objektivi arrihet kur je i mobilizuar dhe i fokusuar gjatë gjithë kohës. Duhet të punojmë fort, sepse kualiteti kësaj Dinamoje nuk i mungon. Të presim dhe të shohim çfarë do të sjellë e shtuna.
Nëse nuk je serioz në fushë dhe nëse nuk punon fort, mund të mundesh edhe nga ekipi i vendit të fundit, edhe nga Skënderbeu. Detyra jonë është të bëjmë punën tonë me vlerësim maksimal, ndaj çdo kundërshtari. Dinamo e tregoi se çfarë mund të bëjë dhe nga java në javë do të përmirësohet më shumë”, tha Siljanovski.
Discussion about this post