Aromë latine në Kombëtare! Pasi raportoi ekskluzivisht se Sylvinho-s do të marrë drejtimin e Kombëtares Shqiptare të Futbollit, “Gijotina.com” mëson edhe emrat e dy zëvendëstrajnerëve.
Ashtu si Sylvinho, të dy vijnë nga Amerika Latine.
I pari është argjentinasi Pablo Zabaleta, ish-ylli i Manchester City, me një karrierë të spikatur në fushën e blertë. Ndihmësi tjetër është braziliani Doriva, ish-mesfushor , i cili ka luajtur mes të tjerash me ekipe si Porto e Sampdoria në Itali.
Zabaleta
I lindur më 16 janar 1985 në Buenos Aires, Zabaleta e filloi karrierën e tij në 1995, duke iu bashkuar akademisë së Obras Sanitarias. Dy vjet më vonë, ai u zbulua nga San Lorenzo dhe nënshkroi kontratën e tij të parë me klubin në vitin 2002. Në vitin 2005, Pablo u largua nga Argjentina kur nënshkroi një kontratë trevjeçare për Espanyol. Ishte një lider në fushë edhe e çoi ekipin drejt fitimit të Copa del Rey në 2006. Sezonin e ardhshëm, anësori i djathtë i mbrojtjes u tregua edhe më vendimtar me Espanyol që arriti në finalen e Kupës UEFA 2006-07.
Kulmin e karrierës megjithatë, e pati te anglezët e Manchester City, ku në vitin 2008. Me “qytetarët” fitoi gati gjithçka: Premier League-ën dy herë (2011-12, 2013-14), FA Cup (2010-11), Football League Cup (2013-14, 2015-16) dhe FA Community Shield (2012).
Doriva
Dorival Guidoni Júnior, i njohur si Doriva lindi më 28 maj 1972, ka luajtur si mesfushor qendror dhe ka pasur disa eksperienca si trajner në Brazil.
Nga viti 2003 deri në vitin 2006, ai luajti për klubin anglez të Premier League Middlesbrough, duke fituar Kupën e Ligës 2004 dhe duke përfunduar si nënkampion në Kupën UEFA 2005–06. Po ashtu ka luajtur me Sampdoria në Itali. Doli në pension për shkak të një sëmundjeje të zemrës, ndërsa luante për klubin brazilian América-SP në 2007.
Doriva luajti për ekipin kombëtar të futbollit të Brazilit midis 1995 dhe 1998. Ishte pjesë e skuadrës në Kupën e Botës FIFA 1998, në të cilën Brazili përfundoi si nënkampion.
Discussion about this post