Kombëtarja shqiptare do të përballet sot me Gjibraltarin në transfertë, në kuadër të një sfide miqësore. Ndeshja që do të zhvillohet në “Europa point stadium”, nis në orën 18:00.
Tashmë, tekniku i kuqezinjve, Sylvinho ka vendosur edh për 11-shen që do të zbresë në fushë nga minuta e parë.
Në fakt eksperimentet nuk mungojnë, duke filluar nga porta ku është Dajsinani si përfaqësues i Superiores, bashkë me Alijin në krahun e majtë.
Nga emrat e zakonshëm në prapavijë janë Kumbulla në qendër dhe Hysaj djathtas. Ndërkohë ka hapësirë në qendër për Maldini Kaçurrin, i ftuar si “emergjencë” pas largimit të Bajramit.
Treshja e mesfushës është risi gjithashtu, me Berishën, Pajazitin e Bajramin. Kurse në sulm, Daku ështw në qendër, me Asanin në të djathtën e Brojën e spostuar në të majtën.
Më poshtë do të njiheni me titullaret e Kombëtares shqiptare, në sfidën e sotme.
Discussion about this post