Trajneri i Atletico Madrid, Diego Simeone, këtë të enjte, u pyet për të ardhmen e João Félix te Atlético Madrid pas ndeshjes mes bardhekuqve dhe Real Sociedad, tw zhvilluar nw Meksikw, dhe tw mbyllur me rezultatin 0-0, ku portugezi nuk mori pjesë. Sipas teknikut, çështjet e tregut të transferimeve trajtohen ekskluzivisht nga klubi.
“Klubi merret me këtë. Deri më 31 gusht, (lojtarët) mund të largohen. (Félix) Ai u kthye në stërvitje me grupin dje dhe shpresoj që të përmirësohet nga shqetësimi që e pengoi të luajë. Tani ai ndihet më mire, kështu që ai mund t’i bashkohet skuadrës”,- ka thënë Simeone, cituar nga ‘AS’.
Për sa i përket ndeshjes, trajneri u shpreh se e rëndësishme në këtë fazë është fitimi i ritmit. “Ne duam që djemtë të rritin ritmin. Ne erdhëm nga një fluturim i gjatë, shumë nxehtë… Ishte turp që të gjithë (tifozët) që erdhën në stadium nuk panë asnjë gol.
Lojtarët dhanë gjithçka që mundën dhe Real Sociedad gjithashtu punoi për këtë. Mendoj se kishim më shumë shanse. Nuk fituam, por marr me vete ndjenjën se ekipi po rritet dhe është i organizuar. Por ka gjëra për të përmirësuar. Të shtunën jemi kthyer”, përfundoi ai.
Discussion about this post