Kreu i sindikatës së Shërbimeve Policore, Sadetin Fishta, ka treguar se policëve nuk iu paguhet puna jashtë orari edhe pse ligji e kërkon diçka të tillë. Sipas tij, ky ngërç me pagesat është bërë shkak për rënien e performancës së efektivëve në punë.
“Nuk janë bërë pagesat për shërbimet jashtë orari, sepse urdhri është i ligjshëm, pendohet se ai i njeh problemet e Policisë së Shtetit dhe një prej tyre ka qenë trajtimi financiar i efektivëve të policisë dhe rastet kur, këta të fundit kryejnë punë jashtë orari dhe nuk paguhen. Por nuk ka ndodhur, kjo ka sjellë edhe pasojat që policia e shtetit nuk ka qenë në nivelin e duhur të performancës. Ky është një kthim prapa në kohë të shikojmë tek ajo ku ka më shumë nevojë policia”, tha ai.
Sakaq, ai tregoi se sindikata ka kërkuar që para e mbledhura nga gjobat të mos shkojnë për blerje pajisesh në zyra, por për pagat e policëve. Fishta tha se kjo fjalë nuk iu është marrë parasysh nga personat përgjegjës dhe as nga ministria. “Ne kemi kërkuar që një pjesë e mirë e të ardhurave të cilat vijnë nga gjobat, pjesa dërrmuese e tyre të përdoren për këto pagesa. Sepse edhe vendimi i qeverisë e ka që kjo mund të bëhet e mundur, por fakti që këto para janë përdorur për të blerë pajisje zyre dhe jo për këtë nevojë emergjente për të paguar punonjësit e policisë”, tha ai. Ndërsa u shpreh i sigurt se po do vendoset në shina ky problem, gjërat do të vijnë duke u përmirësuar.
Discussion about this post