Me afrimin e merkatos së janarit Kylian Mbappe është rikthyer sërish në kryetemë, pasi tashmë është momenti vendimtar që ai të zgjedhë të ardhmen e tij.
Pas shume here shprehjesh të dëshirës për të kaluar te Real Madrid, me deklaratat e fundit ai i ka dhënë shpresë klubit të Paris Saint-Germain për vazhdimësinë.
Në një intervistë të dhënë për ‘Paris Match’ sulmuesi ka thënë se mund të ndodhin gjëra që të ndryshojnë mendjen.
“Por, tani që shikoj përpara, ka vend për gjëra të paplanifikuara. Argëtimi, faktori surprizë, kjo është pjesë e bukurisë së sportit”. Gjërat mund të ndodhin që të ndryshojnë mendje. Është e pamundur të parashikosh se çfarë do të bëj në 20 vitet e ardhshme”,-theksoi Mbappe.
Ndërsa sa i përket kalimit te Real Madrid, francezi konfirmoi se edhe pse do të konsultohet me prindërit, do të jetë ai që do të ketë fjalën e fundit për vendimet e tij në karrierë.
“Ata kurrë nuk i kundërshtojnë vendimet e mia dhe kurrë nuk më kanë thënë të bëj asgjë, edhe kur isha më i ri. Ata më kanë thënë gjithmonë se është më mirë kështu pasi atëherë, nëse rezulton se është vendimi i gabuar, unë nuk mund të hidhem kundër tyre”, -tha Kylian Mbappe./K.T/Gijotina.com
Discussion about this post