Këtë të enjte në Tiranë do të inaugurohet vepra publike ‘bleta’ nga artisti, Sislej Xhafa dhe kuruar nga Ajola Xoxa.
Inaugurimi do të zhvillohet me datën 1 korrik duke filluar nga ora 18:30 te ‘Landfilli i Tiranës’ në Tiranë.
‘bleta’ është vepra e katërt që instalohet në Tiranë në kuadër të projektit ‘Free Art’ të Platformës së Artit Bashkëkohor Harabel, pas instalimit të veprave të Adrian Pacit, Alban Mujës dhe Sadik Spahisë.
Përmes këtij projekti Harabel synon afrimin e publikut me artin bashkëkohor, përmes instalimit të veprave të artit në hapësira publike, pa nevojën e hyrjes në galeri apo muze, si përforcim i qëndrimit të konsoliduar të Harabel se arti është një mjet edukues dhe formues i individit, rritës i mendimit intelektual, mendimit kritik dhe imagjinatës, e jo thjesht dekorues.
