Përkeqësimi i situatës me Covid-19 në vend ka bërë që kancelarja gjermane, Angela Merkel të zhvillojë një takim urgjent me krerët e shtetit të Gjermanisë. Ditën e mërkurë rastet me Covid-19 në Gjermani arritën shifra rekord, ndërsa ekspertët thonë se sëmundja po përhapet në mënyrë dramatike.
Sipas këndvështrimit të Merkelit, duhet të ketë gjithashtu një prag të miratuar në nivel kombëtar, i përcaktuar sipas kapacitetit spitalor, pas të cilit do të duheshin masa shtesë.Merkel është angazhuar në diskutime intensive me ministrat, qeveritë rajonale dhe partitë e mundshme të koalicionit të ardhshëm.Merkel e ka bërë të qartë vazhdimisht se është gati për një konferencë të krerët e landeve.
Megjithatë, deri më tani, nuk ka pasur konsensus midis autoriteteve rajonale të Gjermanisë.Një nga gjërat që do të diskutohej në një tryezë të rrumbullakët të shtetit federal do të ishte përpjekja e përbashkët për të arritur një shpërndarje më të shpejtë të vaksinave përforcuese.
Gjermania të mërkurën arriti numrin më të lartë ditor të rasteve të koronavirusit që nga fillimi i pandemisë vitin e kaluar, duke i shtyrë autoritetet të marrin në konsideratë masa më të rrepta.
Autoritetet raportuan 39,676 raste të reja me koronavirus në 24 orët e fundit dhe 236 vdekje të tjera të lidhura me virusin.Rastet aktive të vendit arritën në 331,200, duke shënuar një nivel të ri në valën e katërt aktuale të pandemisë, sipas të dhënave zyrtare.
Të mërkurën ishin 2739 pacientë me koronavirus të sëmurë rëndë në njësitë e kujdesit intensiv, me 1403 prej tyre në ventilatorë mekanikë.Rastet e reja janë rritur ndjeshëm javët e fundit në rajonet lindore të Saksonisë dhe Turingisë, të cilat kanë shkallën më të ulët të vaksinimit midis 16 shteteve federale.
Discussion about this post