Epidemiologu Ilir Alimehmeti nuk e konsideron si shqetësuese valën me infektime nga Covid-19 që po përballet vendi, ndërsa shprehet se infektime që rriten e bien do të jenë të pranishme gjithmonë.
Sipas tij, herë pas here do ketë valë të tilla, do jetë gjithnjë i pranishëm me valë gjithnjë e më të vogla.
Por sipas epidemiologut, 3 vjet pas shfaqjes së virusit, Shqipëria duhet të kishte futur testet e shpejta për Covid në farmaci.
“Në Shqipëri sot e kësaj dite këto nuk janë disponibile. Një person që testohet dhe zbulohet pozitiv i jepet mundësia të mbrojë komunitetin dhe të minimizojë problemet. Këto nuk bëhen për burokraci, por se kanë një vlerë shumë të madhe praktike”, tha ai.
Gjithashtu epidemiologu shprehet se monitorimi i situatës nëpërmjet monitorimit të ujërave të zeza është i domosdoshëm, edhe pse kjo nuk mund të realizohet në Shqipëri për shkak të mungesës së laboratorëve.
“Nëse ujërat e zeza monitorohen, të japin informacion për 10 mijë apo 40 mijë, të jepet mundësia të bësh një parashikim afro dy javor se si do jetë ecuria”, tha Ilir Alimehmeti.
Discussion about this post