Situata e koronaviruit në Holandë po përkeqësohet dhe në kampionatin e futbollit është duke u shqyrtuar mundësia e zhvillimit të ndeshjeve pa tifozë për një periudhë tre javore.
“Me zhgënjim të madh u njohëm me masat e reja të mundshme kundër koronavirusit. Është irrituese të shohim se qeveria me sa duket nuk po shikon se ku janë burimet e infektimeve. Ato nuk janë në stadiume, siç është provuar shpesh. Kjo flet për varfëri politike, me organet që nuk dinë më se çfarë të bëjnë.
Kemi investuar dhjetëra mijëra euro në lokacione për të evituar rrezikun e koronavirusit. Qindra ndeshje janë luajtur me publik, dhe asnjë ndeshje nuk solli infeksione të rënda. Kjo konfirmohet edhe nga të dhënat shtetërore. Kemi bashkëpunuar me laboratorët në fushë dhe pastaj me provat e testeve. Kemi kontrolluar rigorozisht tifozët në hyrje dhe kjo funksionon pa problem në futbollin profesionist.
Një burim i madh shqetësimi është ndeshja kualifikuese e Botërorit mes Holandës dhe Norvegjisë, të martën e ardhshme në stadiumin DeKuip ku janë shitur të gjitha biletat. Do të ishte një deficit edhe në aspektin sportiv nëse do të luhej pa publik. Kjo ndeshje është e rëndësishme për kualifikimin në Botërorin e vitit të ardhshëm, dhe mbështetja e publikut të shtëpisë do të ishte një shtysë e madhe. Kjo vlen edhe për klubet që luajnë në shtëpi kompeticionet europiane në këtë periudhë”, është reagimi i ligës së futbollit holandez.
Discussion about this post