Vijon të jetë problematike situata me zjarret në qarkun e Kukësit. Sipas njoftimit të Komisionit te Mbrojtjes Civile dhe Emergjencave në Kukës, zjarri i rënë në majën e Rrunës vijon të jetë ende aktiv pavarësisht ndërhyrjeve të vazhdueshme me helikopter për shuarjen e flakëve.
Sa i përket qarkut të Tropojës, zjarret e rëna në fshatin Dragobi Nj.Ad Margegaj dhe vatra e zjarrit në Cërrnicë Nj.Ad Llugaj janë shuar plotësisht.
Në Has vijon të jetë aktive vatra e zjarrit afër lagjes Ahmataj fshati Nikoliq Nj.Ad Golaj, ku punonjësit e pyjores po merren me shuarjen e flakëve.
Njoftimi i plotë:
Njoftim i Komisionit te Mbrojtjes Civile dhe Emergjencave Prefektura Kukes.
Situata e zjarreve në Qarkun Kukës në orën 08:00 dt.18.08.2021.
Situata e zjarrit të rënë në Maja e Rrunës(Laku i Thive) Nj.Ad Malzi bashkia Kukës vazhdon të jetë problematike me gjithë punën e bërë nga forcat e angazhuara nga bashkia Kukës, forcat e DMR-së Kukës ,si dhe nga ajri me Helikopter.
Sot nga bashkia janë angazhuar 10 forca të MZSH-së, 7 punonjës të pyjores dhe Nj.Ad Malzi, 8 nga komuniteti dhe 15 forca të DMR-së Kukës
Në bashkinë Tropojë:
Vatrat e zjarrit të rënë, një në zonë të mbrojtur fshati Dragobi Nj.Ad Margegaj dhe vatra e zjarrit në Cërrnicë Nj.Ad Llugaj janë shuar plotësisht.
Në bashkinë Has
Kemi një vatër zjarri aktive në zonë pyjore afër lagjes Ahmataj fshati Nikoliq Nj.Ad Golaj.
Për izolimin e kësaj vatre zjarri janë angazhuar 10 punonjës të pyjores dhe 4 efektiv zjarrfikës të MZSH-së Has.
