Aleksandër Vuçiç ka reaguar për situatën në Kosovë, ku e ka cilësuar një humbje politike të Prishtinës, e cila do të detyrojë Kosovën të ndërmarrë aksione për t’i dhënë zgjidhje.
Ndër të tjera ai shprehet se Serbia do të jetë gati për çdo veprim të tyre. Në fjalët e tij, Vuçiç kërkon një qasje racionale, e cila duhet të mbizotërojë në Prishtinë. Ai e përjashton mbarëvajtjen për shkak të situatës politike në vend, duke e shoqëruar këtë me veprime të cilat sipas tij do të ndërmerren nga Kosova.
“Shpresoj se arsyeja dhe një qasje racionale do të mbizotërojë në punën e njerëzve në Prishtinë, edhe pse është e vështirë të llogaritet pas kësaj disfate politike që ata përjetuan, dhe kam frikë se ata do të kërkojnë një rrugëdalje nga situatat e pakëndshme të tyre”, ka pohuar Vuçiç.
Gjithashtu Presidenti i Serbisë, pohon se vendi i tij do të jetë gati për gjithçka që mund të ndodhë.
Vuçiç ka folur dhe në lidhje me marrëveshjen e Brukselit, për të cilën shprehet se Kosova nuk e ka respektuar, për të krijuar një grupim të komunave me shumicë popullsie serbe.
“Në Prishtinë është përsëritur disa herë fakti se atyre as nuk iu shkon ndërmend të përmbushin detyrimet nga Marrëveshja e Brukselit dhe të formojnë një Asociacion të Komunave me shumicë serbe”, shton ai.
