Situata në Rusi, vjen reagimi i parë nga Bashkimi Europian

Presidenti i Këshillit të Bashkimit Evropian, Charles Michel ka thënë se janë në kontakt me liderët evropianë dhe të G7, për krizën në Rusi.

Në një postim në Twitter, Charles Michel tha se ata po “monitorojnë nga afër” situatën këtë mëngjes.

“Duke monitoruar nga afër situatën në Rusi. Në kontakt me liderët evropianë dhe partnerët e G7.

Kjo është padyshim një çështje e brendshme ruse. Mbështetja jonë për Ukrainën dhe [Presidentin Zelensky] është e palëkundur.”, ka shkruar ai.

Yevgeny Prigozhin përmes një mesazhi të publikuar në mëngjesin e së shtunës ka thënë se pjesëtarët e grupit të tij mercenar Wagner, janë “të gatshëm të vdesin” në aksionin kundër ushtrisë ruse.

Ndërkaq, presidenti i Rusisë, Vladimir Putin është zotuar se do t’i ndëshkojë kryengritësit, pasi grupi mercenar Wagner, ka thënë se do ta rrëzojë udhëheqjen e ushtrisë ruse.

Ai ka kërkuar konsolidimin e të gjitha forcave dhe ka thënë se veprimet kanë qenë tradhti dhe “një thikë në shpinë ndaj popullit rus”, pas deklaratave të fundit të shefit të Wagnerit, Yevgeny Prigozhin.