Presidenti i Serbisë, Aleksandar Vuçiç, përmes një videoje që ka shpërndarë në llogarinë e tij në Instagram, ka thënë se “serbët i kanë duart e lidhura dhe se duhet të luftojnë”.
E teksa BE-ja, NATO e SHBA-ja po kërkojnë zhbllokimin e rrugëve në veri të vendit që çojnë në pikat kufitare me Serbinë, Jarinjë dhe Bërnjak, si dhe uljen e tensioneve, Vuçiqi ka falënderuar serbët që po i mbajnë të bllokuara ato.
“Për gjithçka që kemi, për progresin që kemi bërë e kemi bërë sepse kemi luftuar, sepse kemi shfaqur që ne kemi fuqi të mjaftueshme, energji të mjaftueshme, dituri dhe besim në vetvete. Faleminderit njerëzve në këto ditë të vështira, faleminderit njerëzve tanë në Jarinje dhe Bernjak, Serbia është me ju”, ka thënë ai.
Serbët kanë bllokuar rrugët pas vendosjes së masës së reciprocitetit nga Qeveria e Kosovës për targat e veturave nga Serbia që hyjnë në Kosovë, gjë që vetë Serbia e bën për më se 10 vjet.
