Në vendin tonë numri i infektimeve dhe viktimave nga COVID-19 vijojnë të jenë të larta. Kështu Ministria e Shëndetësisë njofton se në 24 orët e fundit janë shënuar 5 viktima dhe 849 infektime të reja. Krahasuar me një ditë më parë ku nga 5106 testime, u shënuan 959 raste të reja, 6 humbje jete dhe 891 të shëruar kemi një rënie të infektimeve dhe viktimave, megjithatë duhet të theksojmë se situata vijon të jetë dramatike.
Në njoftimin për shtyp gjithashtu theksohet se janë 12,772 pacientë aktivë me COVID19 në të gjithë vendin. Aktualisht në Spitalet COVID po marrin trajtim 216 pacientë, nga të cilët 25 janë në gjendje më të rënduar.
Theksojmë sërish se në 24 orët e fundit nuk e kanë fituar betejën me COVID19 pesë qytetarë. Më konkretisht dy qytetarë nga Tirana 59 dhe 64 vjeç, një qytetar nga Laçi 79 vjeç, një qytetare nga Lezha 84 vjeç, një qytetar nga Durrësi 89 vjeç,
Janë shëruar 982 qytetarë gjatë 24 orëve të fundit, duke e çuar numrin e të shëruarve në 146,827 që nga fillimi i epidemisë.
